Seegogga se Bloggie

Liewe Leanie, Annika en Lientjie

In die LION KING sing hulle mos oor die circle of life en ek dink deesdae baie daaraan. Dis vir my so of byna alles in die lewe uit sirkels bestaan. Is dit waarom ons praat van ‘n vriendeKRING, ons Bybelstudie KRINGE genoem word , King Arthur ‘n RONDE tafel gehad het? En ja, die aarde is ook rond! Ons lewe is rond en as mens oud is , eindig jy nie ver van waar jy begin het nie ( sonder tande, hare, en op doeke!).

Maar alle grappies op ‘n stokkie, ek glo nogal dat ons lewens soos kringe is en ‘n babatjie se ontwikkeling ook die ronde baan volg, al verder van sy ouers af.

My vriendin, Deirdre, was die wysheid vanself. Sy het twee klein kindertjies gehad, en vir my was dit opvallend hoe ongelooflik rustig sy altyd was in haar hantering van haar kinders.  Een van die redes was haar teorie, wat ek tot vandag toe onthou.

Deirdre het geglo dat’n moeder die spil is waarom ‘n klein babatjie se lewe draai. Eers is hy binne-in haar, in die baarmoeder, besig om te groei. Dan beweeg hy in die volgende kringetjie, buite haar, maar steeds styf teen haar, en word bv geborsvoed en kry kort kort aandag. Dan beweeg hy effens verder weg ( langer ure tussen voedings ens) en verder( begin kruip) ens. Dit is vir die  baba belangrik dat hy weet waar sy anker is( waaraan hy eers vasgeheg was met ‘n naelstring en dan met ‘n onsigbare band, maar steeds vas).

Soos die kindjie  ontwikkel en groei, beweeg hy in spiraalvormige sirkels al verder van die bron af. Klein kindertjies wil dus by hulle mamma bly, maar as hulle sekuur voel , sal hulle later tevrede wees om in ‘n aangrensende vertrek te gaan speel , of buite, al is die ma steeds op haar plek in die huis. Hulle sal miskien kort-kort kom kyk of sy steeds daar is, en dan weer verder gaan speel. Later sal hulle gerus wees om selfs na ‘n ander huis te gaan, skool toe of waar ookal, maar met die vertroue en wete dat die ma daar sal wees al hulle wil terugkom.

Hierdie verloop van omstandighede is oral te bespeur in die natuur. Die mamma dier is net na geboorte feitlik heeltyd by haar kindertjies en sal net weggaan om gou te gaan eet , of selfs die ete mis, as sy bekommerd is oor hulle. Soos hulle groter word begin hulle klim- eers oor haar, en dan effens verder weg, maar nog steeds in die nes, later rondom die nes Ens

Dis belangrik om hierop te let dat dit nie die mammadier is wat ooit haar kinders wegstoot nie, dit is die kinders wat self al verder van haar wegbeweeg soos hulle groter word. Die dier jaag nooit haar kinders weg nie, die band word net geleidelik flouer totdat die kind later volwasse is en op sy eie bene kan staan.

Ook by die mens moet dit so wees. Die babatjie, styf by mamma, 24uur van die dag, en geleidelik al verder- nie weggestoot deur die ouers nie, maar wegbeweeg deur die babatjie self, met die oop pad terug na die ouers toe as hy benoud raak of hulp nodig het.

As ‘n mens jou kinders op hierdie manier gootmaak, kry hulle iets wat jy noem: geborgenheid. Die kind kry die sekuriteit om te weet, sy ouers is daar as hy hulle nodig het, dis ok om hulle hulp te vra as hy hulle nodig het, hulle sal hom beskerm as hy beskerming nodig het, hulle sal vir hom sorg en hulle sal altyd daar wees, hy kan hulle vertrou. Sjoe, watter mondvol!!

Hoe strook dit met ons geloof? Ek glo God het aan ouers hierdie baie belangrike taak gegee- om die anker en die krag in hulle kinders se lewe te wees, totdat die kind naderhand self groot genoeg is om op God alleen te vertrou. Ons is dus die aar waardeur God se liefde na ons kinders toe gaan, die anker wat weer in God geanker is, om ons kinders sekuriteit en geborgenheid te gee. Watter groot verantwoordelikheid rus daar nie op ‘n ouer se skouers nie!

Wanneer hierdie sirkels versteur word, kom daar ‘n deurmekaarspul endus ook  probleme. Nouja, niemand is perfek nie, en toe ek die prentjie bo geteken het, kon ek ook nie my sirkels met die vry hand eweredig trek nie. Dit laat my weer dink aan die lewe- sirkels, maar nie perfek nie, want die lewe is nie regverdig nie en daar gebeur goed wat die sirkels maar krom en skeef maak. Maar dit is die basiese teorie, die ideaal.

Die volgende stellings is my teorie, gegrond op goed wat ek gelees het oor mense met probleme en is nie noodwendig waar nie, want ek het dit  nie deur toetsing vasgestel nie, maar dis hoe ek dit sien en vermoed. As ‘n sielkundige hier lees, sal ek graag sy opinie wil hoor:   Wanneer hierdie kringe doelbewus versteur word deur die ouer,  gebeur daar goed wat ‘n mens dalk nie altyd dadelik van bewus word nie. Die kind se geborgenheid word versteur.

Dit kan wees dat die ouer wil wegbeweeg ipv die kind, maw die kind word in ‘n baan te ver van die ouer af geforseer- ‘n baan waarvoor hy nog nie gereed is nie. Dit kan ook andersom wees, maw die ouers hou die bande te styf van en is nie bereid om die kind toe te laat om geleidelik al hoe meer onafhanklik te raak nie.

So leer die outjie dalk dat hy nie die moeite werd is nie.( swak selfbeeld). Hy leer dat die ouer nie iemand is op wie hy nie kan vertrou nie,( en gaan dus nie met sy probleempies na sy ouer nie, maar na iemand of iets anders, drank,. dwelm of ander krukke). Hy word in gevaarsituasies geplaas waarvoor hy nog nie gereed is nie, ( bv hy weet nie dat hy moet wegvlug na sy ouers as ‘n pedofiel lelike goed met hom wil doen nie). Hy vorm dalk ‘n band met iemand anders wat vir hom meer die gevoel van geborgenheid gee,( en gee in vir groepsdruk) hy soek dalk sy lewe lank na daardie geborgenheid wat hy as jong kind moes ontbeer( en raak dalk oordrewe ma-vas en lei aan skeidingsangs in sy verhoudinge).  Hy leer nie selfdissipline en verantwoordelikheid nie( bv dit hang van die ouer af of hy leer of nie, hy breek heeltemal uit as hy bv op universiteit kom , gaan mal en dop sy eerste jaar )  ens.

Ek voel dus baie sterk dat ‘n babatjie nie toegelaat moet word om te huil sonder dat  ‘n ouer sy bes doen om die kindjie te help nie. Die ouer stoot dan die kindjie weg in ‘n baan te ver van hom af en maak die baan van kommunikasie en hulpverlening, maw die gevoel van geborgenheid toe. Dieselfde gebeur wanneer ‘n kindjie gedwing word om bv by vreemde mense te bly ipv by sy ouers , waar hy veilig voel. Op ongeveer 6 mde leer die kindjie mos sy eie ma en pa erken en huil as hy in ‘n vreemde se arms geplaas word. Dis interessant dat hierdie skeidingsangs by babatjies min of meer ooreenstem met die ouderdom waarop hy begin kruip,l dws die eerste keer dat hy uit sy eie kan wegbeweeg. Dit is die natuur se manier om daardie kindjie te beskerm, en dis ‘n belangrike natuurlike veiligheidsmaatreel. Daarom moet ons dit respekteer.

So kan ons aangaan. Wanneer die outjie liefdevol op sy baan versorg word, en algaande meer onafanklik raak, is hy op die ou einde gereed om skool toe te gaan, en voel hy veilig genoeg om sy veilige ouerhuis te verlaat omdat hy genoeg geborgenheid ervaar het om te weet: dis reg so, vanmiddag gaan ek weer huis toe. Ensovoorts.

Daarom glo ek nie in “sleeptraining” soos ek op die internet gelees het nie, dit het my hare laat orentstaan. Daar word mooi veduidelik dat sommige babas selfs tot ‘n driekwartuur of meer sal skree voordat hulle aan die slaap raak sonder hulle ouers en dat dit baie hard op die ouers is, maar dat ‘n mens net moet volhou en dat die babatjie dan later leer slaap. Dit druis vir my totaal in die natuur, die idee dat kinders geleidelik al verder an hulle ouers af beweeg uit eie eie vrye wil, die natuurlike band van ouerliefde, die sielkunde van empatie, simpatie, ondersteuning, onderskraging, vertroue en liefde en meer nog: teen die woorde van Jesus:” Laat die kindertjies na my toe kom en verhinder hulle nie.”

Dis ook een van die redes waarom ek nie so ten gunste van chreche’s is nie- of van klein kindertjies in skoolkoshuise nie. Ek weet in sommige gevalle is daar geen ander uitweg nie, maar ek voel die kringe word versteur en die duidelike en ooglopende, maar ook die subtiele en onopvallende skades wat so ontstaan, bly die kind soms sy hele lewe by.

Ek is nou baie teoreties en wens ek weet of iemand al ‘n toets gedoen het om te sien hoe die persoonlike verhoudinge en ouer- kind verhoudinge daar uitsien as die kind bv van kleinsaf in ‘n skoolkoshuis is. Die mense wat ek ken wat dit ervaar, sal almal se dat hulle maar van kleinsaf vir hulleself moes sorg, en dis vir my asof die intieme familiebande swakker is. Aan die ander kanthet ek  ook al gesien hoe ‘n twaalfjarige seun huil en aan sy ma vasklou omdat hy bang is om op ‘n weeklange skooltoer saam met sy klasmaats te gaan.  Waarom het hy hierdie gebrek aan sekuriteit gehad?

Vir die ouer van ‘n klein babatjie voel hierdie kringe om jou soms baie styf, sodat jy daarvan wil versmoor. Jy is vasgedraai in alle opsigte!  Tog wil ek hier vir julle drie en sommer vir alle ouers van babatjies se: al voel dit nie so nie, draai hierdie bande al losser en losser, baie gouer as wat jy vermoed, en as jy jou oe uitvee, is die kindjie groot en die bande so los soos jy dit nie wil he nie. Dan kan jy maar trek en draai soos jy wil, maar hierdie noue stywe band, kan  jy nooit weer terugkry nie.

Ek onthou die tyd toe julle so tussen 1 en 6 jaar was. My vriendin, Altalise, se man en haar kinders het vir ‘n week gaan kuier en sy was alleen tuis. Ek het gesmag na daardie bietjie alleenheid en gewens dit was ek. Maar nie lank nie, glo my, is mens se kinders groot, uithuisig, en sit ‘n mens alleen-sonder dat ‘n mens dit wil he!

In die mens se leeftyd ( se 70 jaar, sommige word ouer, ander sterf jonger, maar kom ons vat dit op 70 jaar) is die mens net ‘n baie klein rukkie pap babatjie.( 1 jaar-2jr?n) ‘n Klein rukkie voorskoolse kindjie wat op jou skoot kan sit en deur jou rondgedra kan word(6jr), en dan, ongelukkig of gelukkig(?) word hy groter- te groot om te borsvoed, te groot om aan die slaap gewieg te word, te groot om rondgedra en getroetel te word, onafhanklik, al meer op sy eie. In ‘n lewe van se 70 jaar, is die kindjie dus ‘n baie klein rukkie regtig klein. Waarom wil ‘n mens hom dan forseer om gouer groot te word? Hy het die res van sy hele lewe om groot te wees! Geniet en waardeer hierdie mooi tydjie in jou kind se lewe. Glo my, jy gaan dit nog mis.

Nouja, ek weet nie of ek nou eintlik hier iets gese het wat die moeite werd is nie, behalwe dat ek voel dat ouers  beskikbaar moet wees vir hulle kinders, hoe kleiner die kind hoe meer beskikbaar. Julle is julle kinders se enigste en grootste anker, en hier moet ons as ouers werklik probeer om ons kinders met soveel liefde te vesorg soos Jesus dit sou gedoen het. Dit is soms baie swaar vir ons as ouers, want niemand is perfek nie, maar ons moet probeer. Dit beteken nie ons moenie hulp he nie, inteendeel, hoe meer hulp ons het, hoe makliker sal dit vir ons wees om hierdie liefdevolle groot taak te verrig. Daarom wil ek ook alle jong mammas aanraai om hulp te kry as hulle kan, want hierdie is ‘n 24uur job!

Dit beteken ook geensinds dat daar nie dissipline moet wees nie, maar dissipline moet toepaslik wees vir die baan waar die kind is. Dit leer op liefdevolle wyse vir die kind die regte manier van doen en dit help die kind binne-in sy regte baan bly( bv geen flieks wat nie geskik is vir jou oudedom nie). Dissipline is nie om ‘n kind uit sy veilige baan te verwyder of die anker  weg te neem nie.Vir my is hierdie idee van naby en verder sonder forsering nogal baie belangrik.

Nouja ek het net gevoel dat ek hierdie basiese teorie wil verduidelik.

Ek wil nou graag hier se soos die Engelse: Happy parenting!

Lekker slaap en baie liefde

Ma

ns. As ek so hier lees, dan besef ek dat ek baie keer tekortgeskiet het as ouer en nie my eie teorie volkome kon uitvoer nie. Daaroor is ek oneindig jammer, en ek weet dat niks dit kan regmaak nie. Vergewe my asseblief.

Om die volgende brief te lees, klik hier.

Liewe Leanie, Annika En Lienkie Ek is eintlik nog heeltyd besig met basiese uitgangspunte. Het glad nie geweet daar is so baie nie! Vandag wil ek praat oor babas, dokters en medisyne.

‘n Babatjie het mos die manier om sommer vinnig te verander. Die een oomblik is hy springlewendig gesond en die volgende oomblik dodelik siek. En dan word hy net so gou weer gesond ook!( gewoonlik net mooi voor jy by die dr se spreekkamer instap!) Maar liewer bang Jan as dooie Jan, glo ek. As jy bekommerd voel oor jou babatjie(s), vat hom dokter toe, verkieslik na ‘n kinderarts. Ek weet van mense wat net gedog het hulle kind het verkoue, maar toe hulle uiteindelik dr toe gaan , het die outjie altyd longontseking gehad en was dodelik siek. Of ander wat gedog het hulle kindjie het maar net ‘n kwaai hoes, maar toe het sy een longetjie al eintlik platgeval en hy moes jare lank baie goed opgepas word. Miskien vat jy dus jou kindjie soms verniet dokter toe, maar dan het jy ten minste die gerusstelling dat hy “OK” is.

Kyk wat die dr doen as hulle die babatjie ondersoek, sodat jy kan leer. So is daar sekere goed wat jy later self kan kyk, bv hoe lyk ‘n gesonde keelgat, hoe lyk mangelontsteking, hoe lyk ‘n strep keel, ens. Maak seker dat jy weet wat die medisyne is wat hulle voorskryf. Is dit antibiotika? Is daar penicillin in? Is dit kortisone? Hoeveel? Is dit ‘n slymopdroogmiddel of ‘n slym losmaakmiddel? Vra die dokter uit daaroor as hy iets voorskryf.

Leer ook nog ‘n paar goedjies: Wat is die normale hartklop vir jou babatjie se ouderdom? ‘n Hartjie wat te vinnig klop is ook ‘n goeie aanduiding dat jou kindjie regtig siek is, maar onthou dat hulle normale hartklop vinniger is as die an ‘n volwassene.

Kry ‘n koorspennetjie.

Let op na jou babatjie se gedrag. Is hy besonder dooierig , of besonder huilerig? Al hierdie goed is tekens. Kry vir jou ‘n goeie bababoek wat al die kindersiektes verduidelik en wat die simptome is, sodat jy ‘n idee het wat om te doen.

Daar is egter ‘n paar belangrike reels wat ek nou sommer self vir julle hier wil se: Moet nooit ‘n babajie plat laat le en drink nie- dit veroorsaak oorinfeksie. Moet nooit vir ‘n babatjie slymopdroogmiddels gee as hy verkoue is nie- dit veroorsaak oorinfeksie en ‘gom’-ore. Algemene dokters (gp’s) is baie geneig om dit voor te skryf. Weier hierdie medisyne  en vra vir ander medisyne. Gee ALTYD slymlosmaakmiddel, nie andersom nie. Stoom help ook baie vir lugweginfeksies, die oopmaak en dit voorkom of help met moontlike kroep. Kook bv ‘n ketel in die kamer, of sit met die babatjie in die badkamer, maak die deure toe en draai die warm waterkrane oop vir stoom.

Lees ook hier oor verkoue by babatjies: update oor verkoue by babatjies

‘n Koue lappie op die maag, help vir koors. Of bad die babajie in ‘n lou bad. Trek die babatjie uit en sit hom kaal teen jou kaal vel. Jou liggaam neem van die hitte weg en normaliseer syne, nes dit hom ook warm maak as hy uitermatig koud is.

Sny sommer uit die staanspoor soveel moontlik goed uit wat allergie kan veroorsaak. Was bv babatjies met skoon ongegeurde  ongekleurde aqueous room( waterige room in Hollands). Dit is die goedkoopste van alle rome, want alle rome bevat aqueousroom as basis en voeg dan goed by soos kleur, geur en ander produkte bv lanolien( waarvoor Annika bv allergies was)  by baie babaprodukte.

Koeimelk( gebruik eerder soja of bokmelk as jy nie moedersmelk kan gebruik nie), eiers, kleursels, geursels ens kan alles probleme veroorsaak by babajies en klein kindertjies en babatjies. Leanie, jy het eenkeer byna twee dae lank nie geslaap nie en soos ‘n maniak op en af in die gang gekruip na ‘n bietjie lekker rooi jellie! Annika, was weer so siek soos ‘n hond na haar maselsinenting en moes dokterbehandeling kry- die serum word in eier gemaak, dink ek.Ens.Gebruik ook natuurlik waspoeiers, soos Sunlight vir babas. Dit werk heel goed in ‘n outomatiese wasmasjien.

Gaan altyd eerder na ‘n kinderarts as na ‘n gewone dokter as jy vermoed dat daar iets ernstig skort.  Gewone dokters gee meer dikwels te kwaai medisyne vir ‘n klein babatjie en is nie so op hoogte soos ‘n kinderarts wat heeldag met kleintjies werk nie.  Hulle hele benadering tot die babatjie verskil ook.  So sal ‘n gewone dr maklik slymopdroogmiddel voorskryf, of ‘n maagstopmiddel, maar ‘n kinderarts sal slymlosmaakmiddel voorskryf en dalk ‘n swamdoder vir die magie. Julle het nou ‘n kinderarts, Leanie, so hou maar daar ipv die gewone dr sover moontlik.

Beskou alle diaree as ernstig. Dit is dalk nie, maar sommige soorte is dodelik, moet dus nie kans vat nie, maak seker. Maak seker jou babatjie kry genoeg vloeistof in, veral as hy opgooi. Sit met druppertjie of telepeltjie kort kort bietjie water in sy mondjie. Ontwatering is ‘n groot gevaar. Dit beteken nie slegs vloeistof nie, maar ook elektroliete, dws liggaamsoute. Daarom neem mens afgekoelde gekookte water en roer suiker en sout by en gee dan vir so ‘n gastrobabatjie om te drink mbv druppertjie of teleltjie( 1 liter gekookte afgekoelde water, 1 eetlepel sout en 1 eetlepel suiker is ‘n goedkoop, maar effektiewe elektrolietoplossing, maar maak elke dag ‘n vars oplossing aan solank nodig).

As jou kindjie mangelinfeksie kry,( simptome naarheid en koors en rooi keel met soms wit stippeltjies op mangels) is onmiddellike behandeling nodig, dit voorkom moontlike rumatiekkoors. As jy egter reeds die tekens van mangels ken, is Tonsolyt ‘n baie effektiewe natuurlike middel ipv antibiotika. Dit is deur ‘n apteker wat self klein kindertjies gehad het vir my aanbeveel, en  het baie doktersonkostes gespaar. Sekere keelinfeksies het ook onmiddellike doktersbehandeling nodig: As jy in jou kindjie se keel afkyk en die rooi kolletjes sit daar in sulke rytjies: DR TOE! Die meeste nare peste en kwale  sien mens eerste daar: in die keel. As ek julle nie so ondersoek het nie, het julle al drie skarlakenkoors gekry. Gelukkig is dit so gou ontdek dat net Annika effens siekgeword het.

Alle kursesse antibiotika moet altyd ten volle voltooi word, al is die babatjie gesond lank voordat die antibiotika klaar is. Dit voorkom dat die baba allergies raak vir of immuun raak teen die betrokke antibiotika. Gee altyd inteflora of probiflora saam met antibiotika. Dit help om die dermkanaal te normaliseer. Antibiotika gooi dit omver en die kindjie word daarvan naar of kry weer daarna swaminfeksies. Dokters vergeet om dit voor te skryf, daarom moet julle as ouers daarvoor vra as hulle dit nie doen nie.  Hierdie pilletjies is ook die eerste wat jy gryp as jou kind ( of jou man!) ‘n maagongesteldheid opdoen en is skadeloos. Dis dus goed om in die huis te he.

Daar is verskillende soorte babakoorsmedisyne. Brufen help ook vir infeksies, maar maak baie seker van die dosis en of dit nadelig vir jou babatjie kan wees.   Vra jou kinderarts wat sy sou aanbeveel om in die huis te hou.

Gaan asb 1x per week met jou babatjies kliniek toe, of soos daar in anderland voorgeskryf. Dis ‘n gerusstelling  om rekord te hou van hulle gewigtoename en hulle inentings te kry op hulle tyd. So hoor jy ook sommer of jou babatjies gesond is of nie. Babatjies kry direk na geboorte tering inenting in SA die volgende inenting by die kliniek is die vir kinkhoes, klem in die kaak en witseerkeel. Dit staan bekend as die 3 in 1.’n Mens kan egter ook die twee in een gee. Ek het bv geweier dat julle die kinkhoes kry, aangesien daar epilepsie aan jule pa se kant van die familie was, en die kinkhoesinenting epilepsie kan aanhelp. Ek dink egter dat julle te ver verwyder is daarvan, en dat dit veilig behoort te wees vir julle babatjies. Dit kan ook wees dat die inenting met die jare verbeter het. Kinkhoes is potensieel dodelik vir babatjies, dus met mens mooi dink voor jy dit weier.Vra die kinderarts. Polio inentings word ook hierdie tyd gegee. Op ongeveer 9 maande tot 1 jaar kry babatjies die maselinenting. Dis ‘n taamlike kwaai inenting. Dit is belangik dat julle ‘n jaar later die volgende 3 in 1 gee, die MMR, nl masels, duitse masels en pampoentjies( rubella). Vir alle kinders is masels baie gevaarlik en die booster is nodig. Vir dogtertjies is die duitse masels baie nodig om probleme later  tydens swangerskap  te voorkom en vir seuntjies is die pampoentjies inenting baie belangrik omdat pampoentjies onvrugbaarheid tot gevolg kan he. Dit is baie belangrik dat julle seker maak van die ouderdom waarop die inentings gegee moet word.

Nouja, as mens aan siektes dink, wil ‘n mens sommer weghardloop. Ek wil egter een laaste tip gee. Daar bestaan ‘n inspuiting, berri-globien, wat ‘n bloedproduk is, wat weerstand versterk. Dis ongelooflik fantasties en word in ‘n reeks van so 3 gegee. ‘n Mens hoop dat dit nooit nodig sal wees om dit  gebruik nie, maar hulle het dit wel vir jou gegee toe jy gediagnseer is met te min yster, Leanie.( Jy het baie gesukkel met diaree as babatjie.) Dit het jou behoorlik laat huppel en gesond word. Ek weet nie of dit noodsaaklik was dat jy dit kry nie, maar wat ek wel weet, is dat dit Lientjie se lewe gered het.  Toe sy as 7mnde oue babatjie ernstig griep kry, en haar koors elke 4 uur oor die 40grade was vir 5 dae lank, het ek besef dat haar liggaampie nie sterk genoeg is teen hierdie siekte nie en die dr gevra om dit te gee.(Ek het mos gesien wat dit aan jou gedoen het) Hy het nie gedink dit sal help nie, maar het dit uit desperaatheid probeer- met onmiddellike ongelooflike resultate! Die koors het dadelik dramaties begin sak en die siekte gedraai. Dit was ongelooflik en die dokter sowel as ek het iets geleer. Onthou dit as dinge begin desperaat lyk.

Verder moet ‘n mens natuurlik aanvanklik baie skoon werk met sulke klein babatjies, maar ek glo daaraan dat babatjies geleidelik kiembestand moet raak. Daarom kan ‘n mens hulle aanvanklik op hulle kombersie op die grond laat le en skop,. maar as hulle begin omrol, is dit goed dat hulle bv op die mat of gras ook rol. Ek glo nogal aan ‘n babatjie plat op die vloer of grond. Sodoende leer hy teksure, vorms, kleure , geure en ook kieme ken. So ontwikkel hy ook sy fyn en groot spierbeheer. Loopringe is absoluut UIT, en so ook Jumping jims, maar dit ‘n hoofstuk op sy eie: klik  hier om meer daaroor te lees: Dis nie doodsake as hulle soms ‘n ding in hulle mond druk wat julle as nie absoluut skoon beskou nie.  Hulle gaan dit in elk geval doen, en sodoende bou hulle weerstand op.

Nouja, al hierdie siektes het my nou skoon uitgeput. Gelukkig is julle babatjies baie goed beskerm met al die moedersmelk wat hulle kry!

Sterkte en baie liefde.

Mamma

Om die volgende brief te lees, klik hier.

Liewe Leanie, Annika En Lienkie

Ek was nog eintlik besig met kerngedagtes, toe kom die tweelinkie al, en moes ek gou eers ‘n paar praktiese tips uitdeel. Maar nou is dit tyd om terug te kom na die grootste kernwaarheid: Geloof.

Ons glo in ons huisgesin aan God, die almagtige liefdevolle Vader, Jesus Christus, Sy seun, en die Heilige Gees. Ek glo ook dat daar min mense is wat hierdie band met hulle God meer nodig het as juis ‘n mamma en pappa. Om kinders groot te maak sonder ‘GELOOF’  is net vir my ondenkbaar. Ons is net nie goed genoeg en sterk genoeg nie, en ek kry ouers wat dit prober doen, baie jammer.

As jou babatjie huil en jy weet nie wat om te doen nie, BID! As hy siek is en jy is bekommerd oor hom, BID! As hy slapies en hy is vir jou so mooi dat jou hart wil breek, BID! As hy op sy eerste wankelrige treetjies die wereld vol gevare binnestap, BID! Bid elke dag vir jou kindertjies. Bid hardop sodat hy( hulle) dit hoor, sodat hulle van babatjiedae af weet waar hulle krag vandaan kom. Noem hulle by die naam in jou gebede en dra hulle elke dag op aan God. En dank God elke dag vir sy genade.

En weet julle wat? Ek het dit al klinkklaar en duidelik ervaar: Ons Vader luister na ons smekinge, hy verhoor ons gebede- miskien nie altyd op die manier wat ons graag sou wou he nie, maar hy doen.

Ek moet hier vertel vn Annika se oortjies. Jy het mos op 2 mde ouderdom begin met ‘n chroniese middeloorontsteking wat net nie wou opklaar nie. Boonop was jy mos allergies vir alles. Dit was antibiotika, verkouemedisyne en antibiotika vir 2 mde lank, tot ons op die ou einde by ‘n oor-, neus- en keelspesialis geland het. Gedurende daardie tyd het jy mos nooit geslaap nie, Annika( en ek ook nie!) en was pal op die arm.

Toe die ONK se medisyne ook nie werk nie, besluit hy summier om pypies in die ore te sit- sommer dieselfde aand nog en ek moet jou half 6 by die hospitaal he. Ek is hoogs ontsteld huis toe :grommits! Ek het lank gewerk met kinders met pypies in die ore en weet hoe daar nie mag water in die ore nie, hoe hulle uitval en daar weer ingesit moet word en sommer net hoe die arme kind ‘n hele gekiedenis van ore  opbou( en gepaardgaande leerprobleme).Dan is daar nog die baie gevare von vroee narkose….. En ek weet een ding: EK SIEN NIE KANS NIE!

Toe eers besef ek dan ek nog nooit met erns vir Annika se oortjies gebid het nie.

Ek bel die dokter: ek gaan nie nou vandag pypies laat insit nie,  gee asb medisyne vir nog een week, ek wil eers gaan bid.

Die ONK was baie gaaf. Hy besluit op medisyne vir nog 10 dae en na 10 dae kon hy dit self nie glo nie: Annika se oortjies is heeltemal gesond. Maar dis nie al nie: Tot op hede ( en jy is mos nou 26jr oud, ne Annika?) het Annika nog nooit weer oorinfeksie gehad nie. Nog NOOIT WEER nie!

Nouja. Nou die dag het ‘n vriendin ‘n brief gestuur wat hulle moes lees op haar kleinkind se “namegiving” seremonie. Haar kinders is nie gelowig nie.  Dis ‘n pragtige brief vol mooi wense dat hy omring sal wees van mense wat vir hom lief is en op wie hy kan vertrou en by wie hy krag kan kry, sodat hy kan groei tot volwassene met wysheid en insig ens.

Ek kon nie help om die ou babatjie jammer te kry nie. Mense is ongelukkig so feilbaar. Hulle maak foute, het gebrekkige oordeel, hulle trek weg of sterf. Daar is net EEN op wie mens volkome kan vertrou en wat altyd vir mens die regte pad sal wys en wat jou nooit sal verlaat nie: God.

Saam met God kry julle as ouers krag , rus en vrede wat alle verstand te bowe gaan. Mag dit goed gaan met daardie pragtige twee bondeltjies lewe.

Baie liefde

Mamma

Om brief 10 te lees, klik hier.

Liewe Leanie, Annika en Lienkie

Goeie aarde, hierdie bababoek is baie deurmekaar, want die tweeling het mos bietjie gou gekom en die ouma het ‘n bietjie stadig geskryf, dus is alles glad nie in volgorde nie.

Dus skryf ek gou hier ‘n paar praktiese dinge, al het ek nog basiese beginsels at ek wil beskryf.  Jy weet dit seker al Leanie, maar aangesien jy, Annika, nou daar help en jy, Lienkie, nog dalk ook eenfag Mamma gaan word, skryf ek dit maar.

Slaaptyd: Deesdae glo die wat weet, dat babatjies op hulle ruggie moet slaap. Vroeer was dit taboe en moes hulle op hulle sy of maag slaap. Julle het op julle sytjies grootgeword. Een slapie op die reggtersy, die volgende slapie op die linkersy.Geen kussing word gebuik nie,omdat die babatjie mag versmoor. Aangesien ‘n babatjie vanself altyd met sy koppie sywaarts le, is rug seker reg, maar ek dink tog mens moet seker maak dat hy nie elke keer sy koppie in dieselfde rigting draai nie. Ons wil nie skewe koppe he nie! Ek glo ook nie sywaarts is verkeerd nie, dit voorkom dalk weer plat koppe!. As ‘n babajie styf toegedraai word soos pasgebore babatjies gedoen word, sal ek nie die maagligging aanbeveel nie. Dit moet erg ongemaklik wees. Sodra hy egter los le en self sy koppie kan lig en beweeg, geniet hulle soms hierdie maagligging, soos klein Markus ook in die hospitaal gedoen het. Maar dan moet sy armpies en beentjies los wees sodat hy hulle kan beweeg soos hy wil.

Sing gerus vir jou babatjie. Jou stem maak hom rustig en later assosieer hy waarskynlik ‘n sekere liedjie met slaaptyd. Wieg? Vroeer het hulle mos wiegies gemaak wat soos ‘n swaaitjie liggies een en weer geswaai het, en dan het die babatjie salig geslaap. Hulle hou hulle daarvan om gewieg te word of heen en weer ‘n stootwaentjie gestoot te word. Dis egter soms ‘n tydsame proses en daar was selfs een of tweekeer wat ons met die motor om die blok gery het om jou aan die slaap te maak, Leanie!  Die ideaal is seker dat ‘n mens die babatjie in die cot sit en dat hy self so aan die slaap raak. Ek kon dit nooit regkry nie, behalwe met Annika wat om een of ander rede nie van wieg gehou het nie. Ek moes wel sing vir haar. Met my stemprobleem van destyds het “doedoe babatjie”  en lamtietie damtietie alles so op een noot uitgekom- ‘n basnoot!, maar babatjies is nie kieskeurig nie, hulle wil net daardie liefde en nabyheid he.

Ek glo GLAD NIE daaraan om ooit ‘n babatjie in ‘n cot te sit en te laat le en huil tot hy slaap nie. Ek dink dis gemeen en wreed en ek kan nie glo dat party bababoeke dit voorstel nie. Ek was eenkeer in ‘n huis waar ek ‘n mamma dit  sien doen het en ek wou mal word. Ek dink dit druis in teen alles wat liefde en versorging beteken, en is doodseker daardie arme kindertjies het ‘n sielkundige knou gekry.

Wakkertyd. Geleidelik bly babatjies al langer en langer wakker. Nou is dit speeltyd. Snaakse geluidjies mooi prentjies , sagte speelgoedjies, musiek ag, alles waaraan jy kan dink  en baie praat! Babatjie kan gestimuleer word met kleure, teksture, vorms, klank en taal, want dis mos wat alle boeke voorstel: Stimuleer jou babatjie soveel moontlik en bevorder so sy intelligensie. Dis wel waar, maar wat die boeke nie se nie, is dat normale speel en troetel nog meer waardevol is as enige iets. Ek het altyd my verstom hoe jou pa met jou kon speel, Leanie, en jy was maar  2 weke oud!  Lag, snaakse geluidjies en grappies en hy het dit net soveel geniet soos jy!

‘n Klein woord van waarskuwing. Met klein babatjies moet mens nie  rof speel deur hulle bv te vinnig te beweeg nie. Dis gevaarlik as hulle koppies te vinnig ruk.

Die probleem met ‘n mamma wat self huiswerk doen, is dat tyd so beperk is en die  werk so baie. Hierdie wakkertyd van die babatjies is egter belangriker as ‘n netjies huis, belangiker as fyngebak of ingewikkelde kos op die tafel. Daar het tannie Letta en haar ouers ‘n goeie voorbeeld gestel. Die huis het gedurig vol speelgoed gele, dit was moeilik om een mis te trap. Die kindertjies was meestal maar vuilerig met deurmekaar hare. Eenkeer het ‘n potplant in haar sitkamer omgeval en die grond het uitgeval. Die volgende week was die hopie grond steeds daar op die vloer, maar nou was dit ‘n sandput. Tannie Letta was miskien ‘n uiterste geval, maar haar kinders was sielsgelukkig en emosioneel gesond en het ook later op universiteit baie goed gevaar.

Jou kindertjies is nou nog te klein vir sandputte, maar hulle  is nie te klein om mee gespeel te word nie!

Dagtyd en nagtyd . Die mens is ‘n dagdier, daarom kan ons nie in die donker sien nie. Die koms van elektrisiteit het ons ure verskuif, maar ons is biologies steeds nes die hoenders. Donker:slaap, lig:wakker. Daarom slaap ons ook baie lekkerder in die donker, en daar is selfs navorsing gedoen wat bevind het dat dit werklik donker moet wees as mens behoorlike slaaprus  wil kry vir volgehoue goeie gesondheid.

‘n Pasgebore babatjie slaap egter dag en nag omtrent eweveel. Hy moet  geleidelik leer dat nagtyd uitsluitlik slaaptyd is en dagtyd wakkertyd.  Daarom speel mens bedags met hom die kort rukkies wat hy wakker is, en gesels met om en wys vir hom goedjies.    Ek glo nie daaraan om hom bedags in ‘n donker kamer te laat le en slaap nie. Dis mos dag. Hy moet ook leer om te slaap met al die gewone daaglikse geluide wat bedags plaasvind- mense wat gesels, radio wat speel ens. As hy net gewoond is om in stilte en donkerte te slaap, sukkel die mamma baie en sluip jy heeldag soos ‘n skelm in jou huis rond of sit daar, te bang om te roer! As hy wil wakker word, moet hy maar wakker word, dis mos dag!( Maar ek weet uit ondervinding dat ‘n mens soms enigiets sal doen, selfs sluip, net om nie babatjie wakker te maak nie, omdat jy so min tyd vir jouself kry! )

Nagtyd is egter slaaptyd.  Die moeilikeid is dat babatjie nie altyd weet dis slaaptyd nie. Daarom glo ek nie daaraan om nou skielik die lig aan te sit as babatjie wakker word vir sy voeding nie.  Jy maak hom wakker! Jy maak ook jouself wakker! Dis goed om erens ‘n ganglig te laat brand sodat jy darem kan sien wat jy doen. Sit vooraf die doekies  gereed sodat doekruil sommer maklik sonder enige gesukkel in die donker skemer kan plaasvind. Jy maak net sagte sjuu-sjuu en ander fluistergeluidjies as jy met ou babatjie werk, dis mos nou slaaptyd, nie speeltyd nie. Doekie geruil, babatjie gevoed en SLAAP. Daarom is dit baie makliker en vinniger as babatjie se cot langs jou bed saan en  jy self nie hoef op te staan nie. Elke opstaan maak jou verder wakker en jy verloor ongelooflik baie slaap. As die doek nie sopnat is nie, tel sommer babatjie by jou in die bed sonder dat jy opstaan of doekruil en slaap salig verder terwyl hy drink en self lekker slaap. so kry julle almal meer rus.   Babatjies is die beste nabootsers denkbaar. As julle slaap, slaap hulle ook salig.

Dis nou  wetenskaplik bewys dat babatjies by die mamma langer slaap, meer drink, en rustiger babatjies is en later meer selfstandige en onafhanklike volwassenes. Ek het dit prakties self evaar met julle 3, net jammer so min mense wil dit glo, omdat hulle al die jare so aparte slaap verkondig het en self so grootgemaak is. Hoe meer ek na verskillende bevolkings kyk, lyk dit vir my of dit slegs die hoogontwikkelde blanke rasse het wat hierdie verkeerde tradisie van aparte  babakamers het vir pasgebore babatjies en self onder hulle glo die meeste mammass steed dat die wiegie langs die die bed moet staan..

Wees tog nou asseblief  modern en luister na hierdie nuutste tegnologie( wat eintlik so oud soos die aarde self is, ne!) en sit die cot lang jo bed- met albei babatjies in. Hulle kan koppenent , voetenent slaap as jy hulle nie langs mekaar wil het nie, maar langs mekaar is ook nie verkeed nie- hulle is mos boeties! Beproef dit as jy moeg is. Op hierdie blog was dit vir my opvallend dat daar nie een persoon is wat besware teen saamslaap geopper het nie, maar dat daar heelwat voorstanders daarvan was: Almal mammas wat uitgevind het wat die maklikste en beste vir hulle gewerk het. So word mens ook nie kwaad as jou babatjie wakker word nie, want hy pla regtig 100% minder! En jy het meer krag omdat jy lekkerder slaap! En almal voel veiliger, liefdevoller, gelukkiger en meer uitgerus.

Badtyd: Ai watter heerlike tyd om met jou babatjie te speel! Ongelukkig het ek al dikwels agtergekom dat hospitale nie altyd vir die nuwe mamma mooi leer nie, en dan is die babatjie ongelukkig as hy bad, en dis niks lekker nie. Dis baie belangrik dat die babatjie die hele water-ervaring moet geniet, en hulle doen dit ook, as ‘n mens net reg te werk gaan.

Toets eerstens die water met jou elmboog, nie met jou hand nie. Die water moet veltemperatuur wees en jou elmboog sal skaars voel dat hy natword as die temperatuur reg is.  ‘n Nuwe babatjie skrik maklik vir nuwe goed. Daarom draai jy hom eers in sy doekie toe sodat hy veilig voel, en dan laat sak jy hom met toedraaidoek en al STADIG in die water in in jou arm. Hy moet dit skaars voel. Nou vou jy die doekie STADIG oop sodat hy geleidelik aan hierdie nuwe sensasie gewoond raak. Sjoe! Iets voel mos nou baie lekker! Siedaar babatjie geniet die bad! Na ‘n paar keer so, is die doek nie meer nodig nie, en babatjie is dol oor badstyd!  As jou babatjie dit nie geniet nie, doen jy erens iets verkeerd. Begin die volgende dag dan voor af, soos bo beskryf. Badtyd is speeltyd! Wanneer die outjie nou reeds gewoond is dat dit lekker is in die water, kan begin word om dun straaltjies water op sy koppie te gooi sodat dit sommer oor sy gesiggie ook loop. Pasop om hom nie skrik te maak nie. Hy moet egter gewoond raak aan water oor sy kop en gesig. Hy moet mos eendag hier in die see kom swem. Badtyd is gewoonlik VOOR ‘n voeding net voor slaaptyd. As babajie se velletjie  lekker skoon is en lekker skoon kleertjies aan het, slaap hy gewoonlik heerlik. Daarom is badtyd tradisioneel saans so 5-6nm se kant. Dis egter nie die wet van die mede en perse nie!Hou egter altyd jou badtyd op dioeselfde tyd van die dag. om ‘n mate van roetine te probeer bewerkstellig. Sommige mammas voer ook hulle babatjie’n bietjie voor badtyd. Ek self het dit nooit gedoen nie, ( nooit daaraan gedink nie!),maar as julle uit daardie water uitgekom het, was julle altyd dadelik rasend honger!

Maak seker dat jy nie produkte gebruik wat jou baba se velletjie irriteer nie. Gewone aquasroom is die minste irriterend en ook die goedkoopste. Aquasroom vorm die basis van alle rome, maar sonder die byvoegings. Baie babaprodukte bevat bv  lanolien, iets waarvan Annika se velletjie nou net mooi niks gehou het nie.

Drinktyd. Nouja, ons weet noual dat voeding op aanvraag die regte ding is. Normaalweg ruil mens doek om net voor voeding, omdat baba meestal aan die slaap raak terwyl hy drink. Ja, moedersmelk is so goed soos slaapmedisyne! As jy babatjie egter te honger raak, voer maar eers. Ek het gehoor babatjies kry iets soos maagpyn as hulle honger is. Hulle is nie soos ons wat kan uithou nie, hulle wil kos he: NOU!!!

Wanneer baba borsmelk drink , is sy koppie gewoonlik vanself in die regte posisie, nl effens hoer as die res van sy lyf. As hy egter bottel drink, is dit belangrik dat jy hom ook so vashou. Moenie jou babatjie neersit met ‘n bottel nie, hy het die koestering nodig. Verder moet hy nooit plat le en drink nie. Die melk loop dan by sy oorpypies in en hy kry maklik oorontsteking, wat baie seer is. As jou babatjie niks makeer nie, maar die heeltyd vasgehou wil word en kerm as hy le, is oorpyn dikwels die oorsaak. Dis seerder as hulle le as wanneer hulle regop gehou word.

Dan moet die bottel ook in die regte posisie wees,nl die melk moet die tietie heeltemal vul en nie net halfpad nie, ander sluk hy wind.- met ongemaklike nagevolge.

Die meeste babatjies is maar geneig tot windjies  na ete en moet eers ‘n bietjie liggies op die ruggie of onder die boudjies getik word om die windjies te laat uitkom. As so ‘n windjie opgebreek is, voel babatjie sommer baie beter en slaap lekkerder.

Maar wag, dit lyk my so na badtyd hier, en dus se ek eers totsiens, tot volgende keer. Dis tyd dat ek weer ‘n basiese beginsel neerskryf , ‘die belanrikste een van almal. Tot volgende keer dus, goeienag.

Baie liefde

Mamma

Om brief 9 te lees, klik hier.

Liewe Leanie, Annika en Lientjie

Ag hierdie ouma is tog so bly die ou tweelinkie is uit daardie nare broeikaste en by die huis! Die beste broeikas is die wereld is mos die baba se eie mamma!

Maar nou kom al die verantwoordelikhede skielik op jou en jou man af, Lienkie, en dis nou sommer dubbele verantwoordelikede vir julle, wat nie ervare ouers is nie!

Daarom wil ek jou nou sommer eers gerusstel Lienkie.

Ek weet dat die hospitaal sekere standaard roetines het. Dis, in teenstelling met wat julle dink, nie noodwendig die heel beste vir die babatjies nie, wel die maklikste vir die hospitaal. Die verpleegster het eenvoudig nie tyd om 24uur lank een babatjie op te pas nie. Hulle het nie tyd om met ‘n duppertjie voggies in die mond te drup nie, of heeltyd te monitor  of rond te dra nie. Sekere praktiese gewoontes word ook in bababoeke geskryf en ek het dit ook al vir jou vertel, maar reels is mos gemaak om gebreek te word- deur niemand minder nie as die baba self!

Ek kry nou die dag so ‘n-mail grappie. Daar staan geskryf: New ruler of the world. Onder die opskrif is ‘n prentjie van ‘n babadogtertjie met ‘n dummie in die mond en rattle in die hand. Inderdaad!!! Julle gaan van nou af regeer word! En julle het sommer twee wereldleiers!

Dit werk so. Tradisioneel slaap die babatjie 4 uur lank . As hy wakker is, word hy mee gespeel en weer drooggemaak net voor sy volgende voeding, omdat hy gewoonlik aan die slaap raak terwyl hy drink, en dan wil jy hom nie pla nie. As ‘n babatjie slaap- los hom uit! Moenie slapende honde wakkermaak nie! Dan slaap hy soet vir die volgende 4 uur.

Maar ai, dit werk ongelukkig net nie so nie! Die babatjie is die nuwe ruler en hy besluit dalk hy wil elke 2 uur kos he, of selfs weer na ‘n uur!! ( of ‘n halfuur!) Hy besluit dalk om sy roetine te wissel deur net een uur te slaap, of hy besluit dat hy na hy gedrink het ‘n hele ruk eers wil kreun en steun. En jy as mamma sal vriendelik dog ferm gedwing word om dit maar so te aanvaar, dis nou te se as jy ‘n gelukkige babatjie wil he.

Daarom wil ek vir jou die raad gee. Dis goed om elke dag op dieselfde tyd badtyd te he, gewoonlik net voor jy graag wil he dat hulle die aand moet slaap, want hulle slaap gewoonlik lekker na bad en voer. Daar is egter mense wat dit verkies om hulle babatjies soggens te bad. Dis  goed om te bad voordat jy voer. Sommige  babatjies word egter so gou honger dat dit beter is om hulle te voer of halfpad te voer VOOR  jy bad. Dis goed om doek om te ruil voor jy voer, maar sommige babatjies is so honger dat dit beter is om hulle eers te voer voor die doekruil. Dis goed om die babatjie elke aand op dieselfde tyd te laat slaap, maar sommige babatjies is net nie dan vaak nie! Dis goed om hom elke keer sy200ml( of wat ookal ) te laat dink, maar babajies is nie altyd ewe honger nie!!

Dus wil ek vra: laat jou lei deur jou babatjies. As hulle honger is, voer. Moenie hulle laat wag nie, hulle moet dan nou juis gewig optel! Moenie jou vasstaar teen milliliters nie, kyk of jou babatjie tevrede is, en genoeg piepie.   Moenie bekommerd wees oor doeke, volumes en horlosies nie, wees bekommerd oor jou babatjie se geluk. Daar is niks wat so ontstellend is vir baba sowel as mamma, as ‘n huilende, ongelukkige babatjie nie. Ek self het eenkeer my bloes oopgeruk dat die knope die kamer vol spat, omdat jy van honger gehuil het, en ek nie die knopies vinnig genoeg kon oopkry om te voer nie. Die mamma het ‘n dierlike instink wat nie onderskat of onderdruk moet word  ten koste van die babatjie nie.

In Suid-Afrika is daar op elke dorp ‘n kliniek en tradisioneel neem die mamma elke week haar babatjie kliniek toe. Dan word hy geweeg en ondersoek en sy gewig word op sy gesondheidskaart ingevul. Daar kry hy ook sy inentings op sy tyd en die suster is daar om om by te staan met enige vrae. Dit word elke week gedoen en dis ‘n gratis diens. Ek weet nie hoe dit in ander lande is nie, maar vind asb uit. So leer mens ander mammas ken, en word jy elke week gerusgestel dat jou babatjie na behore groei.

‘n Groot probleem vir nuwe mammas is om te weet hoeveel hulle babatjies drink as hulle borsvoeding doen. Dis regtig nie so belangrik nie!  Voer hom so dikwels as wat hy wil drink, selfs al is dit net ‘n bietjie op ‘n slag. Hy sal kla as hy honger is en tevrede wees as sy magie vol is.

Dit is baie belangrik  dat jy besluit of jy bors- of bottelvoeding wil doen.   Borsvoeding is natuurlik die beste, nie net alleen vir die voordele van die moedersmelk nie, maar ook vir die mond en kaakontwikkeling, die fisiese kontak en die emosionele sekuriteit wat daarmee gepaard gaan. Babatjies word verwar as jy in hierdie vroee stadium  die bottel bysleep, omdat die suigaksie verskil, en verwerp dan die bors, tot nadeel van homself. As jy onseker hieroor is, kontak La Lesche, maar ek het dit destyds geleer, en dit nou weer by die arbeidsteapeut gehoor. Bors en niks anders nie, as jy wil aanhou met borsvoeding. Borsvoeding stimuleer ook melkproduksie , wat weer goed is vir volgehoue borsvoeding, maar ook vir die hersel van jou figuur! Dit laat jou baarmoeder beter saamtrek, herstel  en krimp tot sy vorige grootte. Die wagwoord is dus: hoe meer hoe beter!

Ek sou se dat jy ‘n bottel net moet gebruik vir water of flou rooibostee, as jy dan voel jou babatjie het iets anders as melk nodig. Oefen ook met ‘n koppie as jy krag het, maar los maar liefs die bottelvoedings.

Ten slotte wil ek graag he jy moet weet dat ek hierdie goed nie sommer net se omdat ek so dink nie. Ek het lank gewerk in skole met kinders wat fisiese, neurologiese en/of emosionele probleme het. Saam met arbeidsterapeute, fisioterapeute , spraakterapeute en kinderartse en neuroloe het ons ‘n span gevorm waar die kind of baba en sy plan van aksie volledig deur die span bespreek en beplan is. Algaande leer ‘n mens heelwat van die moets en moenies, en ek hou ook daarvan om op te lees as ek nie weet nie. Verder het ek mos julle drietjies ook grootgemaak. Ek is die eerste een wat sal se dat ek nie weet nie, as ek onseker is. Ek glo daaraan om kenners te raadpleeg as ek nie is nie, en nie net voort te gaan soos tradisioneel die gebruike is nie. Ek glo dat ‘n mamma haar eie oordeel moet gebruik nadat sy seker gemaak het dat sy kennis het, omdat kennis( veral sielkundige kennis, want dis’n jong beroep wat dikwels op bespiegeling berus eerder as konkrete navorsing) wat ‘n mens inwin nie noodwendig altyd korrek is nie. So het hulle jare lank rigiede voedingprosedures beklemtoon, maar dit later weer verwerp en teruggegaan na die natuur. So is dit nou ook met die lawwe idee dat ‘n babatjie alleen heelnag in ‘n donker kamer moet le en slaap waar niemand kan hoor as hy ongemaklik is nie, of andersom die uitermatige gebrek aan dissipline wat deur Spock voorgeskryf is.

Ek glo dat jy moet teruggaan na die natuur, as jy onseker is( God maak nie foute nie) en dat jy moet konsentreer op jou babatjie en ‘n positiewe band met hom. So ontwikkel jou instinkte sterker. Die broeikas en al die pype en goeters het dalk hier bietjie ingemeng, maar dis nou  tyd om absoluut te konsentreer op jou babatjie. Jammer vir die wat nie saamstem nie, maar ek glo hulle het nou eerste preoriteit, bo ou man , jou kuiergaste of enige sosiaal aanvaarde konvensies. Hoe lank is die kindjie ‘n pap babatjie? En hoe lank moet hy leef met emosionele issues, positief of negatief, wat hy hier opgedoen het? Heelwat later, as jy en jou babatjies gevestig is in julle borsvoeding, julle emosioele bande en julle fisiese herstel, kan jy weer begin konsentreer op ander goed. Nou is dit jy en jou babatjies, Leanie, en moenie dat sosiale verpligtinge , huis skoonmaak, man of selfs ek inmeng nie. Klim in die bed (met jou babatjies) en slaap soveel jy kan, speel met hulle soveel as wat jy wil, troetel hulle soveel jy kan, laat hulle drink as hulle “e”se, en geniet hulle.

Later, geleidelik, sal jou lewe vanself na normaal terugkeer. Nou, vir die volgende maand of so is dit net baba en ma-tyd!

Baie liefde en soet slapies saam met die tweeling!

Mamma

Om die volgende brief te lees, kliek hier>