Nouja, Bekkie het hom noual bewys as ‘n voëltjie wat weet hoe lekker dit is om buite in die sonnetjie te wees, maar darem ook veilig by sy ma in die huis. En hy hou baie daarvan om haar siel uit te trek!
So maak ek en my man ons Sondagoggend gereed vir kerk. En iewers tussen my tandeborselry en grimering aansit, word dit buitegewoon stil in die huis. Al die vernsters is toe behalwe die katte se venster, maar ek kry dadelik hond se gedagte. Ons soek en roep, maar meneertjie is skoonveld.
En uiteindelik antwoord hy – iewers van êrens ver oorkant die straat af. Ek weet nou al ek moet net in die erf bly, en roep. Gewapen met ‘n grondboontjiebotterbroodjie, loop ek dus in die tuin en vertel die hele wereld hoe heerlik dit smaak. En Bekkie kom kyk, eers uit die hoogte van ons jakarandaboom agter in die erf.
( spot the bird: so ‘n kwart van bo af, en ‘n derde van links af 5 voor 12 vd middel af.) Hy was eers hoër, maar ek het eers later onthou vd kamera.
Toe verwerdig hy hom om na ‘n nader boompie en laer te kom, want grondboontjiebotterbrood is mos baie lekker. Teen hierdie tyd het die kerk al lankal begin.
Gewoonlik vlieg hy self kombuis toe, maar ek het buite gestaan en toe hy sien hy kry nou genoeg aandag en die brood gaan lekkerder wees as die son, klim hy op my hand en sit stroopsoet terwyl ek kombuis toe stap waar hy toe sy beloninkie kry.
Agterna, net toe dit amper tyd is vir die kerk om uit te kom, sit en pronk hy in die eetkamer, baie in sy skik met homself dat hy ons so rondgejaag het.
(en as julle wonder oor die skewe prente teen die muur, Bekkie hou daarvan om hulle rond te skuif as hy op hulle gaan land….)
Om van Bekkie se vroeere en groter avonture te lees, klik hier:
https://seegogga.com/2014/11/30/i-believe-i-can-fly/
En hier:
Seegogga se Bloggie 
Bekkie is ‘n handsome outjie, ‘n pragtige kleur. Grondboontjiebottertoebroodjie sê ek jou nogal 😀
Ja hy is baie lief vir brood asook gronboontjiebotter, dus is dit n wenkombinasie.
🙂
Hy is pragtig
Hallo Dromer welkom hier by my blog. Ja hy is lieflik.
Dit is nou nog die beste rede wat ek gehoor het om nie kerk toe tegaan nie😂
Sent from my iPhone
>
Ha ha, Ja Miriam! Maar dis ‘n waar storie, hoor!
Bekkie is te oulik
Ja oulik en ondeund!
Welkom op my bloggie, hoor!
Oulik! Ek ‘n Gertruida gehad wat weggevlieg het toe iemand wat wou help haar skrikgemaak het. My hart pyn nou nog…
Welkom hier, Katrina! So jammer om te hoor van Gertruida. Ja, voeltjies hou nie van vreemdes nie. My buurvrou wat ook die eerste keer wou help, was baie kwaad vir my toe ek haar vra om liewer weg te gaan. Maar dit het darem gewerk. Om van Bekkie se vorige avonture op Worcester en elders te lees, klik hier:
https://www.google.co.za/amp/s/seegogga.com/2017/03/23/i-believe-i-can-fly-3-ofterwel-die-dag-toe-ek-op-worcester-se-sypaadjie-kampeer-het/amp/#ampshare=https://seegogga.com/2017/03/23/i-believe-i-can-fly-3-ofterwel-die-dag-toe-ek-op-worcester-se-sypaadjie-kampeer-het/
Ek gaan so maak!
Terug pieng: I believe I can fly 3 ( ofterwel: Die dag toe ek op Worcester se sypaadjie kampeer het) | Seegogga se Bloggie
Terug pieng: I believe I can Fly nr 2: ‘n Saak van beginsel | Seegogga se Bloggie