Seegogga sit en wroeg in die badkamer. Sy gaan ‘n reünie op Rebus reël! Maar nou sit sy eers en wonder of sy dalk ‘n groot fout maak. Sy wonder of sy sal kan regmaak as dit ‘n flop is.

In haar knypers hou sy ‘n boksie “dark golden blonde” haarkleursel vas – ‘n leë boksie!

Dit het so gekom: jare lank al kleur sy haar hare: auburn, chestnut, deep reddish brown… sy hou van rooibruin hare en dis naby haar kleur. Maar dan groei dit uit en dit pla vir almal behalwe vir haar. Seegogga is iemand wat woel en werskaf. Sy het nie tyd(of geld) nie en ( en sjuuut: sy kannie worrynie!)

Maar dit pla al die landvroue!

“Is jy besig om jou grys hare uit te groei?”

” Ek het ophou kleur want dit lyk so sleg as my hare uitgroei, en ek is nou baie grys”

“Kom ek en jy gaan koop vir jou n ligter kleur. Jy weet, op ons ouderdom….”

Hoekom is almal so beheb met haar hare? Gelukkig het haar eie kindertjies  nog nie haar aangespreek nie. Hulle weet seker noual wat goed is vir hulle. En hulle het nog altyd van haar donker hare gehou.

Maar hopelik is ‘n change as good as a holiday.

Seegogga het nou geswig.En as dit sleg lyk( en sy vermoed dit gaan sleg lyk), gaan koop sy dadelik vir haar n donker kleur, sowaar!

Daar is nog presies 6 minute oor voor sy sal weet…..