creatures in my garden

Ja, dis steeds lente, alvoel dit meer na winter hier met al die reën( ai toggie, wat van ons kosbare koring, gars en canola?). Maar toe dit nog in die middel van die lente was, hier einde September, het ek weer op ‘n dag in my fynbostuin gestap met die kamera, hierdie keer op soek na die diertjies.

Ek sien een van die reuse slakke, die Skipskopslakke, soos hulle hier bekend staan, en sit ‘n vuurhoutjiedosie by om julle ‘n idee te gee. Die toktokkie is een van my gunsteling goggatjies. Tik- tik-tik vinnig met jou vinger op die grond, en hy tik entoesiasties terug! Hierdie skilpadjie woon hier op die erf en ek sien hom dikwels. Ek is so bang my huurders jaag hom weg of ry bo-oor hom. Ek waarsku hulle altyd!. Die fisante is gereelde besoekers, en die janfredrikkie het vandag besluit om te bad, maar wat soek die kat deesdae altyd hier? En daar teen die trappie, moenie miskyk nie ,loer die koggelmandertjie. Ag, en loer tog ook mooi onder die bossies. Soek en jy sal vind: mejuffrou muis!

About seegogga

Soos 'n krappie op die strand, trap ek spoortjies in die sand. Dalk sien jy iets, dalk niets. Wie sal raai hoe die wind gaan waai?
This entry was posted in Die Overberg: my wereld., Los opdrifsels, Overberg, Seestories and tagged , , , , , , , , , , . Bookmark the permalink.

15 Responses to creatures in my garden

  1. Toortsie sê:

    Eo wat van n geitjie?

  2. seegogga sê:

    Toortsie, hierdie foto’s het ek almal een oggend geneem. Hier is honderde geitjies, maar hulle het wegkruipertjie gespeel. So ook die akkedissies en die reuse duisendpote. As ek hulle kry, sal ek hulle later opsit. Dit oogpistertjie het ek afgeneem, maar hy is so vinnig, hy het uit die foto gehardloop voor hy vasgegevang is!

  3. Kameel sê:

    Leef en laat leef 🙂 Ek sal hoog hop vir so ‘n groot slak…… en sommer so terloops, Octavius loop hier by my rond 😉

    • seegogga sê:

      en ek sal hoog hop vir Octavius!

      • Kameel sê:

        So gewoond hy stap hier rond. Sit nou een aand heerlik en lees, en uit die hoek van my oog sien ek hom verby my stap. Gelukkig kyk ek toe beter… en i,p.v. Octavius is dit ‘n grote reënspinnekop 😯 Hop hemelshoog, en besef vanaand is daar nie ‘n man om tot my redding te kom nie… sal my geveg self moet veg.

      • seegogga sê:

        Reenspinnekoppe in Tranvaal??? Ek is seker Toortsie het hom saamgebring! Maar hulle is skadeloos. Hy kan maar daar bly soos Octavius.

  4. MaanKind sê:

    Vra bietjie vir @Slakkelak waar kom haar naam vandaan…

  5. seegogga sê:

    Ek het nou al ‘n vermoede…! En het sy nie sowaar ‘n seeslakkie na haar vernoem ekry njie? ek dink dis wonderlik.

  6. Kameel sê:

    Seegogga, daar is nie ‘n manier op hierdie liewe aarde waarop ek ‘n huis met ‘n reënspinnekop deel nie 😯 Bang tot in my tone net om daaraan te dink. Nee, Toortsie het hom nie saamgebring nie…. hulle nooit tussen die mielielande gesien nie, maar hier in Pretoria loop ‘n mens hulle dikwels raak (gelukkig net by wyse van spreke.)

  7. brieweuitdievreemde sê:

    Dis nog winter hier ook 😦
    Weet jy dalk watter soort skilpad dit is,Seegogga? Het probeer kyk in my boek hier, maar is nie seker.

Lewer kommentaar

Please log in using one of these methods to post your comment:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s