Hierdie inskrywing vorm deel van ‘n bloguitdaging wat ‘n groep dames, bekend as die towerinne van Rebusfontein, uitdaag om ‘n storie saam vertel.
Jy moet eintlik die vorige 10 hoofstukke (dit is nie so lank nie) lees om myne te verstaan. Kliek HIER kliek om die verhaal van die begin af te lees.
Die tonnel is klam en benoud.
“Julle, ek kan nie meer nie – ons moet nou omdraai!” Positief ril en haar stem bewe..
“Ek stem!” koor Hester en Kameel agterna.
“Nooit!” sê Seegogga en Toortsie gelyk.
Seegogga loop sommer vinniger vorentoe. “Daar moet erens nog ‘n uitgang wees!”
“Hou net moed ouens, Daar is lig aan die einde van elke tonnel. Ek is seker ons sal hier uitkom” Toortsie se stemmetjie klink maar dun.
Sy het skaars klaar gepraat, of Virgo maak haar stil. “Sjuut julle! Luister daar!” Ons staan almal doodstil. Dan hoor ons dit: Die veraf gefluit van ‘n voëltjie.
“Dit beteken mos hier moet erens lig wees! Voëls fluit nie in die donker nie!” sê Perdebytjie .”Kom julle!”
Almal strompel so vinnig as wat hulle kan, vorentoe. Scrapy laat haar selfoonliggie dwaal oor die klipwande van die grot en is so ernstig besig om te soek na ‘n opening, dat sy struikel. Vuurvliegie en Woordnoot gryp haar vas voor sy val, maar die selfoon spat uit haar hand uit en lê liggie na bo in die stof.
“Kyk daar!” Christa wys na die liggie se straal bo teen die dak. Daar links!” Almal staar na die donker gat. Dit lyk sowaar of daar kliptrappies daarheen lei. Die gat lyk egter vir almal te klein en te nou vir ‘n mens om deur te gaan.
Seegogga is die kleinste, en besluit om te gaan onderoek instel. Dit IS trappies! Die gat is sowaar nog ‘n tonnel – nou, maar tog begaanbaar. Sy skuifel versigtig vorentoe .. en toe.. “Eureka!” roep sy af ondertoe. “Kom julle!”
Voor haar lê ‘n pragtige groot saal, skemerig, maar verlig deur helder sonlig wat deur die ruie plante by die opening na binne stroom. Aan die eenkant is daar ‘n blink poel water, met gladde plat klippe. Die wande van die rotse is mosbegroeid en pragtig. In die een hoek is daar iets wat lyk soos ‘n tafeltjie – ja! Dit moet wees – ‘n Rowwe plank op twee boomstompe en op hom staan ‘n kersblaker met ‘n uitgebrande kers. Alles is baie vol stof. Hier was duidelik baie lanklaas iemand.
“Iemand het eenmaal hier gewoon of dalk geskuil”, ek voel dit.”sê Una beslis. “Kyk – hier op hierdie klip lê kwassies en ‘n paar buisies waterverf. ”
“En hier lê twee skilderytjies!” Woordnoot vat die twee stowwerige papiere en bekyk dit krities. “Mmmm nie watwonders nie – lyk of dit baie vinnig gedoen is. Maar dis lyk mos na Sophia!
“En dit is mos Charlotte, dan nie? Wel, wel, wel….!”
Die towerinne kloek effens geskok om die twee skilderytjies.
“En hier in die donkerste hoek is ‘n ou donskombers! Sjoe, bo stukkend van ouderdom, maar dit is mooi netjies opgevou.” Dis Hester was saaklik verder soek.
Wie sou hier gebly het? Was dit dalk Leonard en Sofia se liefdesnessie? Of dalk Charlotte en Joseph s’n? Dis hulle seuntjie Thomas se prentjies wat teen die mure van die tonnel hang.
Die towerinne soek oral rond, en kry op ‘n kliprakkie ‘n vroue stola van ragfyn deurskynende swart kant en om die rante met die hand omgesoom met die fynste, mooiste stekies.
“Dit lyk so….. mmmm……verleidelik . Die Camilla in my sou hierdie kantlappie goed kon gebruik!” Kameel streel bewonderend maar versigtig oor die sagte kant.”Ek wonder nou…was Joseph ooit Charlotte se enigste liefde? Wie sê sy was nie dalk tog ‘n prostituut nie? Of dalk net ‘n los meisie nie? Sy het geen probleme gehad om ‘n verhouding met ‘n getroude man te hê nie. En daardie skildery!”
“Sy lyk tog….gaaf” sê Una versigtig.
“Die feit dat Mev Marks die ouma van Thomas is, laat my ook wonder”. Vuurvliegie se joernalis neus ruik nou behoorlik lont. ” Wie sê mev Marks het ooit haar van verander? Wie sê Charlotte is nie ook ‘n produk van ‘n vebode liefde nie? Dink nou net: Mnr Hardy-hulle was eens baie vermoënd. Hulle het mev Marks as jong getroude meisie as kok in die kombuis. Mnr Hardy en sy raak verlief en sy raak swanger. Hy verloor sy vrou en al haar geld, Mev Marks kry ander werk en sorg dat Hardy ook daar werk kry sodat hy naby haar kan wees. Aanvanklik gaan dit goed, maar….” Vuurvliegie se oë blink van opgewondenheid.” Ons sal nog in daardie dagboek moet gaan lees”
Toe almal klaar alles bewonder het, tree hulle versigtig na buite. Aah! Sonlig! Heerlik!
Voor hulle lê ‘n pragtige ruigbegroeide klofie, met daaragter ‘n berg.
“Hoekom lyk dit dan so bekend?” Toortsie knip haar oë teen die skerp sonlig. “Kyk daar is ‘n waterval! En daar ook!”
“Dit is mos dieselfde as die skildery!” Trommeltjies is baie opgewonde.”Ek sê julle daardie watervalle het iets met die saak te doen.”
Hester trek skielik haar asem skerp in.. “En hier is deel van die tragedie, ” sê sy saggies.. Onder ‘n oorhangende klip lê daar wit beendere . Dit is twee witgebleikte geraamtes. Almal gil en ril. ” Ek is bang!” Positief kerm saggies.
Vlenters klere hang nog hier en daar om die geraamtes. Op ‘n klip langsaan blink ‘n goue sakhorlosie wat uit die stukkende baadjiesak geval het.
Tannie Frannie buk versigtig vorentoe en tel die holosie op. ” mmm 18 karaat. “En hier is geen wysters nie.” Sy knip die horlosie oop. Binne is ‘n naam gegrafeer: Leonard Anglewood. Op die teenkant is ‘n verbleikte foto: “Maar, maar dis nie van Sophia nie, dis mos…dis mos Charlotte hierdie!” Tannie Frannie vryf versigtig die stof af. “Hier staan nog iets gegrafeer: ‘Ware liefde is tydloos’.’
“Ag, hoe hartseer!” snik Kameel. Una probeer haar troos , maar haar oë is ook vol trane.
Sal jy ons asseblief verder vertel Hester?
”
Leonard? Charlotte? Uhm …
Seegogga! Jy kán skryf! Wat ‘n mooi episode.
Sjoe! Sjoe! Seegogga, nou het jy jouself oortref. Charlotte en Leonard. Twee geraamtes. Joseph en Leonard? Ek sal my vulpen in die skryffontein moet gaan dip. Dis goed gedoen, uitstekend, Seegogga. Het jy die sketse van Charlotte en Sophia gedoen?
Ja. Maar ek is nie ervare met waterverf ni
Jy is. Baie!
ne regtig nie, Christa, my ma was eintlik die waterverf boffin. Maar ek het darem ‘n paar tips by haar gekry.
Dit is baie mooi
Dankie Christa!
Dis baie mooi gedoen.
Dankie Hester
Wow Seegogga dis pragtig geskryf… en daardie tekeninge. Ag toggie ek hoop nie dis Leonard wat dood is nie… ek voel sommer nou rêgtig hartseer. Liewe daardie Charlotte is omtrent ‘n karakter. Mev Marks en Mnr Hardy maak sin. Maar nou verdiep die misterie rondom Leonard. Hester beter vinnig lig werp!!!
Ek krap bietjie kop oor die skildery met watervalle. Toorts sê die plek lyk bekend. Wie het daaroor geskryf dat ek kan gaan opsoek?
Sover rk onthou het Toorts daaroor geskryf
Dankie dit was Toorts. Mens moet omtrent kophou met die speurverhaal… elke dingetjie tel. Nooit gedink daardie skildery sal weer tersprake kom nie. Dit klink vir my ook alte veel na Lorenzo se geheime plek waar hy Camilla heen gevat het om in die poel te gaan swem. Ril ek nou 😣
o gaats, Camilla! Ken jy die grot?
Ek sal haar moet vra!!!
O ek het van twee fonteine vertel. 😊 Watervalle is naby genoeg. Sjoe Seegogga, jy is uitstekend.
Jy gaan geld maak met daardie skolilderye. 😁
Ha ha Toorts!k Wou so graag Charlotte oordoen, maar het eenvoudig nie tyd nie
Dis juis sy wat die geld gaan inbring. Jy kan ‘n Charlotte reeks maak.
Mmm dit sal gesensor word
Wow Goggie jou skilderye en storie is beide puik gedoen. Regtig puik!!
Baie dankie Bondels!
Die skilderye van Sophia en Charlotte het hulle persoonlikhede vasgevang – watter wonderlike talent het jy tog, Seegogga! Vroeg op ‘n Maandagoggend wat waarskynlik ‘n snikhete, besige riller van ‘n dag gaan word, het ek nou so lekker in ons storiewêreld rondgedwaal dat ek sommer moed het vir die dag ❤
Dankie Frannie! Ons sal ernstig moet begin dink aan oplossings!
Sjoe! Dit is perfek saamgevat en verder vertel. Opgewonde. Wie se geraamte sou by syne wees?
vra vir Hester!
Heerlik! Kyk hoe vinnig vorder ons storie nou. Seegogga, jy het my omtrent meegevoer, en soos Frannie sê, ń Maandag oggend opgelig.
Lorenzo en Camilla! 👀
Nee Toorts, ek wil nie eers dink dat hulle in daardie poel gaan swem het nie. My arme hart!!! Ek is klaar sad dat Leonard so aan sy einde gekom het… nee maggies hy was veronderstel om die held in die verhaal te wees.
Hy is – ons is almal mal oor hom. Maar almal kom eendag aan hulle einde , ne.
Maar seegogga hy moes eers lank en gelukkig gelewe het 😭 Geen wonder ek het so gesnik nie.
Ek dink nie daar is helde nie. Dalk die boetie of die sussie.
Ons moet darem nie vir tannie Kokkie weggooi nie.
Zi sy het ook sl swaar gehad, lyk dit my
Sies tog.
Oh my word! Maak dit van hulle verdagtes?
Ek weet nie van verdagtes nie, wel roerders in die pot!
Waar is die deskundiges? Is dit twee manne se geraamtes of is dit ‘n man en ‘n vrou?
Onseker Toortsie. Onthou ook dat die bespiegelinge oor Mev Marks net bespoegeling is. wAARSKYNLIK WAS SY ‘N JONG WEDUWEE. hAAR MAN HET IN DIE OORLOG GESTERF. oNS SAL DIE GESLAGREGISTERS EN DOODSERTIFIKATE MOET FAGAAN ONDERSOEK. Moontlik is daar nog ietts daarvan in die biblioteek.
Of in die Kaap by die argief. Tannie Frannie ken mos mense wat met die argief te doen het, hulle kan dalk help.
Uitstekend geskryf Seegogga, ek sou wraggies nie beter kon nie. En jy is talentvol boonop met die waterverf.
Ek wonder hoe hierdie storietjie van ons gaan uitdraai?
Daar moes ‘n rede wees hoekom Leonard en Joseph so baklei het. Miskien was die rede Charlotte.
Seegogga, skilder met verf en woorde. Hierdie is uitstekend, en beslis ons groot avontuur! Bravo. Sterkte en inwohende muses stuur ek vir Hester aan.😉
Ag, flip inwonend bedoel ek🙈
Ha, HA Vuurvliegie!
Gedog dis ‘n nuwe Afrikaanse woord wat ek nie ken nie – nes Rhebus!
Nee, suster dis ou vingers en oë en klein skermpies wat die skeppinge maak.🤗
Hester gaan dit beslis nodig hê!
🌻💐📚✏🧚♂️🧚♀️
Ek is bly ek is nie jy nie, Hester!
Ja, ek hoor jou, hier sit ons nou, vasgekeer by ‘n waterval met twee geraamtes wat dalk net wil spook – ons kan nie teruggaan deur die tonnel nie, want die polisie wag aan die anderkant 🤔 Ek dink ek moet vir Lorenzo bel.
Dalk kan hy Scrapy se uil stuur om solank by die polieste te spook…hulle is hoeka bygelowig!
Daar’s ‘n idee!
Plan B: Die Muskvuurpyl kan ons dalk kom oppik.
Ons wil nie ons posisie verraai nie – ons moet stilletjies hier wegkom voordat die polisie ons gewaar.
Daai vuurpyl lawaai vreeslik…nou sal jy maar ander plan moet maak…dalk Broodina se blou Uno?
Ek loop liewer kaalvoet oor die Drakensberg. Buitendien staan daai daai Uno reg langs die polisievoertuie.
Oepsie! Nou swyg ek liewer…
Jy sien hoekom trek ek my hare uit my kop?
Pasop vir kaal kolle, die son is deesdae baie skerp!
Ek sal my strandhoed dra!
🤣🤣
Lekker lag ek vir die nuutskepping!
Sjoe Seegogga, jy het dit nou pragtig vertel. Jou skilderye is asemrowend mooi!
O my word, ons ontdek elke keer nuwe goed….dalk moet ons almal maar met die waterval afgly en deur swem? Ons kan ‘n human chain vorm om seker te maak almal land veilig???
Seegogga jy is ń baie talentvolle towerin, pragtige skilderye en ń bo baas vertelling. Ek raak nou vrek benoud, ek gaan weg hol.
Dankie Trommeltjie. Gaan lees wat Hester toe verder vertel het. Dalk laat dit jou bietjie ontspan.
My probleem is dis nou my beurt en ek is stom
Baie sterkte. Ons almal was al daar. Ek stuur dadelik vir jou n bietjie franjeliko vir die senuwees
Daardie goed laat my blapse maak, lees my hoofstuk dan sien jy
Terug pieng: Nog geheime onthul – toortsie.com