‘n Nuwe Seisoen deur Beverly Lewis. Uitgewer: Cum boeke
Ek het onlangs hierdie mooi kuise liefdesverhaal gelees en baie geniet, ten spyte van die vertaling wat een of twee plekke bietjie hinderlik is. Oor die algemeen is dit egter goed vertaal.
Die gebeure vorder stadig, soos ook die gedagtes om verandering van die hoofkarakter, Sallie. Tog is dit nie vervelig nie, maar wys op mooi wyse hoe die Amish-gemeenskap leef en dink, hoe diep hulle geloof is en hoe kuis hulle lewenswyse.
Sallie het ‘n groot behoefte om te reis en ‘n bietjie meer van die lewe te sien. Toe sy genooi word om as kinderoppasser te gaan vakansie hou saam met ‘n Christen gesin wat nie tot die Amish gemeenskap behoort nie, skep dit vir haar ‘n geleentheid om ‘n bietjie meer van die wereld te sien. Dit laat haar ook egter sekere dinge wat vir haar ouers, broers en susters vanselfsprekend is, bevraagteken. Sallie se reis na volwassenheid , onafhanklike denke en ook ware liefde, ontvou geleidelik en subtiel en dit laat jou ook onder die indruk van die diepte van haar geloof.
Beverly Lewis is wereldwyd een van die gewildste Christelike skrywers met haar voorgeslagte wat baie betrokke by die Amish gemeentes was. Sy hanteer die sensitiewe onderwerp van verskillende geloofsuitgangspunte met deernis en insig.
Ek dink dis ‘n aanwins dat die boek ook in Afrikaans vertaal is en dit staan uit tussen die baie ‘vlak” liefdesverhale wat ‘n mens so dikwels kry.
Seegogga se Bloggie 
Terug pieng: Boekbespreking: ‘n Nuwe Seisoen deur Beverly Lewis, uitgegee deur Cum boeke | Seegogga se Bloggie
Ek sal ook graag hierdie boek wil lees. Dankie vir jou mooi beskrywing, Seegogga. Ek sit ook nog en lees. 😊
ek kan hom vir jjouu bring – en ‘n paar nuwes kry
Is jy nou klaar met dié wat jy gevat het? Ek lees nou van Rut en dan is hier nog een boek.
ek moet bieg ek het nog nie die bybelstudiegids gelees nie. Maar ek en sulke gidse is nie sullke groot maats nie. Di voel my so na werk.
Dis geen probleem nie. 😊 As jy wil, kan jy gou môre by my ‘n draaitjie kom maak, anders die naweek.
more by see, naweek weg. Miskien moremiddag baie laat
Ek het jare gelede ‘n klompie boeke oor die Amish gemeenskap gelees, ek wil nogal dink dat dit deur dieselfde skrywer was en het dit baie geniet.
dit was vir my interessant
Terug pieng: Die CUM-boksie – toortsie.com