Vanoggend loop iemand wat my nog nie goed ken nie, my raak daar reg voor OK op Struisbaai.
“Hallo!” groet sy vriendelik. “Wat maak jy hier? Hou jy so ‘n bietjie vakansie?”
En dadelik kom die woordjies wat ek jare gelede hier op die bloggie geskryf het in my kop, dus skryf ek dit sommer vannaand weer hier, met ‘n paar klein veranderinge
IT’S SUMMERTIME
It’s summertime, and off to the sea I go,
not to swim, walk the beach, or suntan – no!
But to work – wash toilets, make beds, sweep floors…Oh!
It’s summertime so off to the sea I go!
Seegogga se Bloggie 
Seegogga, dis te oulik!
Dankie Una! Ek hoo julle kuier heerlik daar oor die water!
Struisaai blues!
Ha ha! Ja Lewies! Maar Desember gaan ons self!
Ons gaan volgende week vir twee dae na Aghulhas Nasionale Park vir ‘n vinnige wegbreek. Deel van die roetine is vis en tjips by die restaurant by Struisbaai se hawe.
Nou toe nou! Proveer ook gerus due seashack op Steuisbaai as hulle oop is. Heerlik
Die realiteit, né
Ja! Wie het gedink dis glamerous om ‘n selfsorgeenheid by die see te he?
Haha, kostelik! Dis presies hoe dit gaan, veral as al die familie en vriende ook saam kom vakansie hou! Ek het eerstehandse ervaring daarvan.
ek verhuur weer ons plekkies en as die towerinne nie daar bly nie, bly daar ander vakansiegangers! Maar Desembers, gaan ek darem self en doen steeds al die goeters- voeg net asb babysit daarby!
Hou baie van die skets – is dit joune? Ek kan die wind voel en die see ruik…
ja Frannie, by gebrek aan foto’s doen ek soms sommer sulke vinnige 5-minute sketsies sommer met ‘n balpuntpen, of soms kleurkryt,. Een so ‘n 5 minute kleurkrytprentjie is deur die tydskrif “Lig” gegaps en gepubliseer, en was byna twee jaar lank heel eerste wanneer ‘n mens “mooi Kersfeesprentjies” op Google images tik. Ek het ongelukkig niks gedink van my treffer nie, en in ‘n vlaag van huis aan die kant maak, die oorspronlike prentjie weggegooi ( nee, weggesmyt is eintlik die regte woord – ek is lekker kwaad vir myself, maar hoe moes ek nou weet?
https://seegogga.com/2012/11/19/om-te-copy-en-paste/)
Danie vir die kompliment, Frannie!
Het al baie gesien dat begaafde beeldende kunstenaars hulleself onderskat!
Dis pragtig! Ek het regtig gedink dis Katherine Harris wat Alba Bouwer se Stories van Rivierplaas geillustreer het.
Ha ha Lewies, hoe maak jy nou my dag. Ek sal my wat verbeel om met haar vergelyk te word . Ek hou sooo van haae rowwe en gelukkige sketse!
Waarheid!
sa! so sal dit wees, ne!
Wat maak jy met al hierdie talente van jou? Jy weet jy mag hulle nie begrawe nie…nie eers deur toilette skoon te maak nie.
Ha ha Kameel, ek illustreer mos my blog!
Ugh!! By die see, wil ek in elke hoekie en gatjie gaan kryp. Beslis nie werk nie.