Nouja, daar is niemand wat hierdie liedjie kan sing soos Vera Lynn nie, maar ek was nie lus vir die hartseer oorlogbeelde saam net haar youutube weergawe nie. Die  gevoel van die koor ou omies wat saamsing en Vera self wat op die einde saamsing en haar goedkeuring gee, en ook die koningin, maak hierdie opname spesiaal. Hierdie liedjie is spesiaal gesing om hulde te bring aan Vera, en sy sit in die gehoor .

Ek kon nog nooit na hierdie liedjie luister sonder om ontroer te word deur die woorde nie.

En miskien spreek dit ook tot jou wat hier lees, al is die tweede wereldoorlog al verby. Wie weet in watter oorlog jy is -. watter geliefde jy erens langs die pad hoop om weer te vind?

Ek wou sommer die liedjie vir my bloggie gee, wat so afgeskeep word agv baie redes, maar nou, na die luister, loop my hart op ver paaie, en miskien jy wat hier gekliek het, se hart ook. Kom ons luister dit weer en geniet dit saam met hierdie uitgelese gehoor.

Lekker slaap!