Vandag sê ons dominee mos, dat ons meer moet lag. Hy speel selfs vir ons snaakse video’tjies om ons te laat glimlag. Volgens hom lag ‘n mens minder,  hoe meer opgevoed jy is. En dis ‘n groot fout, want lag is gesond! Vrolikheid is ook ‘n opdrag van God. “Verbly jou in die Heer. ” en ” Wees altyd deur bly”.

Ons bekommer ons oor die dag van more en ons stres en ons wroeg – alles onnodig.  Al wat ons moet doen, is om te vertrou op die Here, en te glo dat Hy vir ons sal sorg, en ons te verbly in Sy genade.

Ons kry selfs ‘n opdrag. Ons moet elke dag hierdie week met ete eers ‘n grappie vertel voor ons begin eet.

Dis nou net presies die boodskap wat ek vandag nodig gehad het in hierdie tyd wat ek my so opwerk van bekommernis en so moet stry teen die swaarmoedigheid.

Ek het my sommer net daar voorgeneem dat ek  nou , hier, gaan stop om te bekommer oor die dag van more, die klein plesiertjies is die lewe meer gaan waardeer en die lewe meer gaan geniet. Die lewe is heeltemal te kort vir wroeg!

Mag dit vir jou wat hier lees ook ‘n vrolike week wees!  En sommer net om jou ietsie te gee om dalk oor te glimlag, kyk hier onder.