Die Goue vroue hou vakansie.

Die Goue Vroue is ń groepie bloggers wat saam aan spesiale stories skryf. Indien jy mettertyd al die skrywes saam wil lees, en wil uitvind hoe die Goue Vroue beland waar hulle nou is, gaan loer in op die link:https://fresh.inlinkz.com/party/a844ec34c0574957a27ccdce16e2a94d

****************************************************************************

“Waar is die seekatte dan nou heen?” Appeltjie is met reg bekommerd.

 ‘Ek wonder wat wou hulle vir ons sê?” Vra Una.

“Hulle het iets gemompel van brand, Ek kon nie mooi uitmaak nie.” sê Seegogga. Sy stap na die relings om die kant van die seiljag.

“Haai julle, kom terug! Wat wou julle vir ons sê?” vra Seegogga in haar beste Seekats. Sy weet seekatte se gunsteling kos is krappe, maar dit help nie om nou bang te wees dat hulle haar sal opeet nie. Sy weet sy moet die goue vroue red.

Seegogga hang oor die reëlings, net om die laaste een te sien verdwyn.

“Ag julle,” roep sy verlig. “Dis nie seekatte nie, dis Architeuthis. Ek bedoeL: reuse inkvisse. Hulle vermoei hulle gelukkig nie met klein ou seegoggatjies soos ek nie.

“ Hulle hou van groot visse. Hulle het dalk gedink ons is ‘n spermwalvis, want spermwalvisse eet weer die inkvisse. En toe het hulle ons probeer aanval,” sê Lolla wat weer Dolfyns kan praat.

“Ek glo nie. Ek dink hulle wou ons waarsku!” roep Seegogga toe sy afkyk. “Kyk daar!”

Al die goue vroue hang oor die reling en kyk na die vreemde pienk gloed onder die  skip. Lorenzo stap houtgerus nader om te kyk wat aangaan.

‘’Fire!” roep hy uit. “Our yacht she has de fire! She is burning!” Ouick-quick come help!” Hy storm ondertoe.

“Dra julle buffies soos maskers, mense, rook is baie skadelik vir die longe”, beveel VirgoC.

Seegogga onthou nou dat sy die strykyster boom aangeskakel het op “Linen”toe die skip ingesuig word. Hitte styg mos op. Dit het nie gewerk nie en sy het skoon daarvan vergeet.

Sy weet sy moet iets doen, en gou, maar die kontrole van die skippie lyk nou vir haar erger as haar periwinkle boksie. Watter knoppie moet sy druk om alles ongedaan te maak?

Gelukkig stap Toortsie net toe daar in. “Ek kom nog brandblussers soek.” Sy maak  kasdeurtjies oop. Die goue vroue spuit om die beurt al die brandblussers wat hulle kry uit in die onderste ruim van die skip.

Seegogga vertel haar wat gebeur het en in Toortsie se kop broei ‘n ander plan. Sy druk ‘n paar knoppies en daar trek die skippie weg in ‘n duisligwekkende vaart. Toortsie het nou oorgeneem by die skipper, wat ook af is ondertoe om te help. Intussen het die wind opgesteek.  Sy weet presies waarheen om te gaan. As die brandblussers nie werk nie, sal die Suidoos en Toortsie se knoppies saamwerk.

“O, dit voel amper soos Silwer se motorfiets!”, juig Frannie, wat bietjie boontoe gekom het om asem te skep. Camilla kom in met heerlike koue water as lafenis.

Almal werk mooi saam en net toe die brand onder beheer is, voel hoe hulle hoe die skip ruk en toe stilstand kom. Die goue vroue kom een vir een dek toe en staar grootoog na die spierwit toneel wat hulle begroet.

So ver hulle kan sien is daar net spierwit ys en sneeu.

“Ek het ons na die koudste plek toe gebring wat ek ken. Die Noordpool.   Hopelik vries die vuur,” sê Toortsie trots.

Net toe kom Lorenzo boontoe. “The fire she died.” Hy sug moeg. Hy lyk soos ‘n Romeinse gladiator met die roet op sy kaal gespierde bors en boarms en op sy wange . Camilla omhels hom liefderik. Gou – gou is sy by met glasies franjeliko as troos en lafenis vir almal.

Ek dink ons het eerder witblits nodig, dink Seegogga. Sy begin al klaar koud kry. 

“Het een van julle dalk vir my ‘n trui om te leen? Ek het net my kostuum hier,” sê Woordnoot.

“Ons ook! Wat gaan ons doen?” vra Christa, Ekmyself en Kameel gelyk.

“Ek het darem rooi Lipstiffie,” sê Sonell. “Asof die nou sal help.”

Dis een plek waar my broodjies dalk ook nie gaan werk nie, dink Frannnie en bibber.

Aalsie, ons sit in n baie koue panarie. En die tyd raak min om Triton te vind. HELP!!

 

About seegogga

Soos 'n krappie op die strand, trap ek spoortjies in die sand. Dalk sien jy iets, dalk niets. Wie sal raai hoe die wind gaan waai?
This entry was posted in Ongekategoriseerd. Bookmark the permalink.

25 Responses to Die Goue vroue hou vakansie.

  1. Letty-Ann sê:

    O! Al die tale!! Ek sien uit na daardie gerookte disse!!!

  2. “… in haar beste Seekats” 😆😎

  3. Toortsie sê:

    Ouch. Kouete. Sorrie julle. Swembroeke en sarongs en dis al wat ons het. Ai toggie.

  4. Toortsie sê:

    Seegogga, jy sê altyd jy kan nie meer skryf na jou ongrluk nie. Jippieeee! Jy kan! Jy kan jy kan jy kan! Jy skryf voortreflik! Wow!

  5. appeltjie sê:

    Wow Seegogga, net sodra mens dink een probleem is opgelos, begin die volgende een. Lolla, welkom. Julle, ek hoop net Toorts se sosiale netwerk spoor vir Triton op. En eks mal oor ys en winter. Kan nie wag om te sien wat volgende gebeur nie.

  6. Una sê:

    Koue? Toorts, slim plan, ek moet dit darem bysê, maar ysige koue? Uhm…

  7. ekmyselff sê:

    Witblits en ROOIlippies….

  8. Dankie Appeltjie 😊. En jinne Toorts dis koud hier … ❄️ die witblits is glad nie ‘n slegte plan nie Seegogga.

  9. seegogga sê:

    Lolla, dalk kan jy Dolfyns praat en dalk hoor dolfyne jou. En wat van Wallies? Of is dit nou Walvissies?

  10. woordnoot sê:

    Koue!!!! Ek is allergies vir koue! Praat seekat dat ons net in warmer plekke kan kom!

  11. seegogga sê:

    Sjoe ek geniet julle kommentaar. Baie dankie. Ek hoop nie julle kry te koud vannag nie. Hopelik werk Lorenzo se jag se lugreeling nog.

  12. Ons sal blitsig moet skuif anders word ons ysvroue, verstarde ysvroue. Puik Seegogga.

  13. VirgoC sê:

    Ek hoop ons bly net hier, kan doen met die erge koue, maar ek swem nie in daai koue water nie….

Laat 'n boodskap na Lolla-se-Goete Kanselleer antwoord

Please log in using one of these methods to post your comment:

WordPress.com Logo

Jy lewer kommentaar met jou rekening by WordPress.com. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s