Jare gelede is hierdie advertensie op Bredasdorp geskiet.

My man het op die sypaadjie gestap met 2 dogtertjies: my jongste, die een met die blou rokkie, was toe in Gr2. Die ander enetjie is haar maatjie. Later hardloop hulle vreesbevange weg vir die lorrie.

Op die balkonnetjie van n groen huisie, het my middeldogtertjie gestaan. Sy was toe in graad 4.

Die verwer met die wit klere was ons buurman. Die hoofakteur is ingevoer uit Engeland en my kinders was mal oor hom. Die “stuntman” is ook van elders ingevoer.

Vir ‘n week lank was ons dorpie opgemaak, vol opgewondenheid en ons almal betrokke by die advertensie het 3 heerlike etes ‘n dag gekry, die  akteurs het skool en werk gemis, ‘n  geldjie ontvang en almal het bokse vol bubblegum gekry.

Lekker!